Lava je uništila najmanje četiri zgrade u selu Kalehon de la Gata, izjavili su očevici.
Vulkan Kubre Vijeha počeo je da izbacuje lavu 19. septembra, uništio više od 800 objekata i primorao oko 6.000 ljudi na evakuaciju iz svojih domova.
La Palma je dio Kanarskih ostrva i ima oko 83.000 stanovnika.
Rano jutros, nedaleko od mjesta erupcije uočene su munje. U studiji iz 2016. godine u žurnalu “Zapisi o geofizičkim istraživanjima” navodi se da munje mogu da nastanu tokom vulkanske erupcije zbog sudara čestica pepela pri čemu nastaje električno pražnjenje.
Lava iz vulkana zahvatila je oko 150 hektara poljoprivrednog zemljišta, od kojeg se veći dio koristi za uzgajanje banana.
