Internetom su se nedavno proširile glasine da su muzičar Tomi Li (62) i influenserka Britani Furlan (38) na ivici razvoda.
Međutim, par je sada odlučno demantovao te tvrdnje — i to uz osmijeh.
“Hej, lažne vijesti — nismo razdvojeni ni razvedeni! Saberite se”, poručio je Li uz zajednički selfi s Britani na svom Instagram profilu.
Njegova supruga Furlan dodatno je potvrdila da je brak i dalje stabilan objavivši video na Instagramu.
Par se ljubi, dok u pozadini svira pjesma “Layla” u izvedbi Sofi Vudhaus.
Podsjetimo, u maju ove godine Furlan je priznala da je bila žrtva “catfishinga”.
Razgovarala je putem interneta s osobom koja se lažno predstavljala kao Roni Radke, frontmen benda Falling In Reverse.
Sama je odlučila da sve prizna suprugu.
“Nisam dobra osoba što sam pričala s nekim dok sam u braku, ali prolazila sam kroz težak period”, izjavila je tada u TikTok videu.
Otkrila je i da Li nije bio nimalo srećan kada je pročitao poruke koje je razmjenjivala s prevarantom.
Ipak, naglasila je da često lajkuje i komentariše objave prijatelja i poznanika jer “voli ljude” i želi da bude podrška.
Uprkos neprijatnoj situaciji, Furlan je u najnovijoj epizodi svog podkasta “This Is The Worst” priznala da ih je ova kriza, ironično, još više zbližila.
Par je u braku od 2019. godine, a Tomi Li iza sebe ima brakove sa Elen Starčuk, Heder Loklir i čuvenom glumicom Pamelom Anderson.
cdm.me
