Krisi Tejgen se vratila putu apstinencije nakon što je shvatila koliko joj alkohol negativno utiče na život.
Model i influenserka (40) otvoreno je govorila o iskustvu u Instagram objavi, gdje je zahvalila Karlu Redkeu što je podijelio svoju priču o apstinenciji u njenom podkastu “Self-Conscious”, i kako je njegov primjer promijenio njen pogled na alkohol.
“Nakon što sam bila trijezna nešto više od godinu dana, vratila sam se alkoholu. Obećala sam sebi da će to biti svjesno pijenje”, napisala je Tejgen.
Tejgen je priznala da je odlučila da prekrši pravilo kako bi popila času vina sa mužem Džon Ledžendom.
Međutim, ubrzo je shvatila da je takav pristup opasan.
“Ubrzo je pijenje postalo ono na šta sam navikla – tiho i kontinuirano. Osjećaj je grozan”, primijetila je.
Prvu apstinenciju Tejgen je opisala kao uzbudljivu i motivišuću, dok je sada drugačije.
“Sada ljudi možda gube vjeru u mene, a i ja sam malo izgubila vjeru u sebe. Ali trenutno sam ponosna što sam 52 dana trijezna i nemam želju da se vratim”, istakla je.
Tejgen je dodala da je apstinencija sada manje “pompezna”, ali jednako važna.
“Pokazalo se da bez alkohola i dalje mogu biti smiješna, glupa, nervozna koliko hoću, i sve to mogu proći bez njega”, napomenula je Krisi.
