Novak Đoković i njegova supruga Jelena nedavno su zablistali na crvenom tepihu povodom dodjele Laureus nagrada u Madridu, a Vogue Adria snimio je kako su izgledale pripreme para za crveni tepih.
Oni su i ovog puta pokazali da imaju dobar smisao za humor. Novak je đuskao u bade mantilu, a Jelena se zabavila parodijama koje su nastale inspirisane njenim viklerima na glavi.
Nedugo nakon toga, na društvenim mrežama osvanula je parodija videa na kojem Jelena s viklerima na glavi priča s Novakom.
Neko je dodao zvuk scene Ristane i Aranđela iz domaće serije “Srećni ljudi”, u kojoj joj on hvali frizuru.
Snimak je prikupio više od 35 hiljada lajkova u samo jednom danu, a uspio je nasmijati i Jelenu, koja je video podijelila na Instagramu, prenosi “CDM“.
